=-=-=-BertsoKatea-=-=-=

Nahiz ez gaur ta ez sekula
hontaz ez jakin nahikoa,
ausardiaz bizitzari
bertsoak naiz jartzekoa.
Zerbait erreala ote?
Edo zerbait abstraktoa?
Inork inoiz irabazten
jakingo ez dun jokoa?
Ergel batek kontautako
ipuin zentzugabekoa?
Biharko planak egiten
zaudela pasatakoa?
Gauza bat argi det behintzat,
neroni naiz lekukoa…
bizitza magia dela
ta maitasuna trukoa.

Zientziak dio dela
aminoazido, zelula,
proteina, organulu,
organo, quark, partikula,
elektroi, protoi ta neutroi,
atomo ta molekula,
ta abar luze batekin
osatutako formula.
Nik uste det kumuneko
paperaren antza dula:
hasieran lasai-lasai
zertan neurtu ta kalkula?
Baña iya ohartu gabe
bukatzen joaten zaigula
ta gutxi falta denean
apreziatzen degula.

Bizitza ta heriotza
eskutikan doazela
zein zaila den onartzea
nahiz jakin horrela dela.
Izane hil ta gero zer?
Ezereza zein krudela…
Sarri pentsatzen det hortan
ohera sartu ta bela,
baina almoadak ordun
erantzuten dit horrela:
bizitzak heriotzaren
oporraldiak direla.
Beraz bukatu aurretik
gozatu behar den bezela,
hiltzean pentsa dezagun
merezi izan zuela.

Xagua

Independentzi eguna (egin klik)

Bertsolariak.
Trikitixa egun osoan zehar.
Txalaparta.
Sokatira finala.
Kontzertuak, oso kontzertu onak.
Ekitaldi politikoa eta beste zenbait ekitaldi.

Saltsa eta giroa, egun polita euskaldun sentitzeko.
Urriaren 25ean denok Hernanira Euskal Herriaren Independentzia aldarrikatzera!

Joan dira une garratzak,
negarrak eta beldurrak;
gaur harridura ikurrak
dira atzoko akatsak.
Ta berriz lehen urratsak
badatoz ustekabean,
sentitzen naiz azkenean
ilusioz ta primeran,
15 urtekin eran
tximeletak sabelean.

Pasatakoa aparte
utzi dut, baina nerekin
ilusio berriekin
nerbioek segi didate;
maite edo ta ez maite,
baietz dio margaritak.
Ametsak eta irrikak,
dena da plana geroko,
ea noiz egingo topo,
badatoz garai politak.

Berriz neska bat buruan,
berriz telefono deiak,
berriz poeten ideiak
oheratzeko orduan.
Garai batean moduan
ederra da bizitzea
eta ondo sentitzea.
Nahiz ez heldu helmugara,
sentsazio polita da
maitasuna landatzea.

Xagua

Kaixo! Orokorrean bertso eta asmakizunak erabiltzen baditugu ere, gaurkoan abesti batekin natorkizue, ingelesezkoa gainera.

Abesti ezagun hau Guns ´N` Roses talde mitikoak konposatu zuen Use your Ilusion I beren 3. diskoan, 1991an, onak ziren garaian. Diskoa kaleratu orduko egundoko arrakasta izan zuen eta abesti onen bideoklipak MTV-ko urteko bideoklip onenaren saria eraman zuen. Urtebete geroago, kantak izan zuen harrera ona ikusita, 2. bertsio bat egin zuten, akustikoan pianoarekin eta hau da gomendatu nahi dizuedan kanta.

Pentsakor eta serio, kezkatuta edo penetan zaudenean bakardadean eta isiltasunean entzuteko aproposa, gure barruak husten eta ideiak sakontzen eta argitzen laguntzen du. Musika barruraino sartzen da, emozioa eta erlaxazioa eragiten ditu eta letra ere garbi entzuten da eta nahiko ulerterreza da (ingelesez dakienarentzat, noski). Beraz, nire hilabete honetako proposamena, otsail eguzkitsu batean bagaude ere hauxe da: November raim (acoustic). Zerbait dakien batek hitzegiten dizue.

Joseina Etxeberria

Matematikak zehatzak dira,
zehatzegiak aukeran;
baina lege orok salbuespena
eduki ohi du beregan.
Xaguak badu horren berri ta
zuri nahi lizuke eman,
sinistu zazu 1=2 da
(lasai eztet ezer eran);
ikusi zazu ekuaziotan
egitan zer pasatzen dan
ta ea gero kontrakorikan
esaten aursatzen zeran!!!

Demagun a=b dela, orain ekuazioaren alde biak “b”-z bidertzen baditugu:

ab = b²
a²-ab = a² - b²
a(a-b) = (a+b)(a-b)
a = (a+b)

a=b denez, “b” ordezkatuz:

a = (a+a)
a = 2a
1 = 2

 Xagua

argazkian hala dio, baina noraino da egia hau egia dela???
bertso bidezko iritzi eta erantzunen esperoan gaude

macdalen?
garin?
manu?
xagua?
aitor hooligan urbieta?
garganta profunda?
monica?
silvi?
ekhi?
…

[KZBL#19]

Ekhiren bertsioa :