=-=-=-BertsoKatea-=-=-=

Aurten ere martxan degu gr-ko bertso bidea.  Aurtengo ekitaldian 16 herrik hartuko dute parte, Euskal Herri zabaleko 5 probintzitan banaturik. Ze esan nahi du honek? Iazkoez gain 4 herri berri atrebitu direla Zarauzko Inperio ahalguztidunari desafio egitera.  4 taldetan banatu dira herriak, eta talde bat Urola eta Oria ibaiek bustitzen dituzten herriekin osaturik dago: Zarautz, Azpeiti, Lasarte eta Zestua/Aizarnazabal. Konparaziorik ez dagoela gauza jakinekoa den arren ahalegin guztiak eskertzekoak izango dira eta txapelketa polit eta aldarte oneko bat aurreikusten da; hori bai faborito garbiarekin titulua errepikatzeko. Horra bere plantilla:

Bertsolariak: Felix Zubia, Mantxi, Nahikari Gabirondo, Julen Zulaika, Ainhoa Agirreazaldegi, Oier Aizpurua, Hodei Iruretagoiena, Aitor Urbieta, Itziar Unanue, Etxabe, Epelde, Artzai…

Gaijartzaileak: Saroi Jauregi, Jon Zaldua, Xabier Etxeberria eta Oier Aranzabal

                                Nik uste sofan eroso jarri
                                ta denok egon garena
                                orain ez bada txikitan behintzat
                                ondo jarrita antena,
                                bai Doraemon, bai Dragoi Bola
                                edo botatzen zutena…
                                Hargatik nahi det zabaldu_inkesta
                                bertsokatean barrena:
                                zein da zuentzat historiako
                                marrazkirikan onena?

Xagua

Bertsokateko hainbat kide Gpuntua bilatzea helburu izan duen Txapelketa eder honen partehartzaile izanik, edo ikusle, zalantzarik ez da Abenduaren 16ko Ilunbeko festaz denok gozatu genuela. Halako gertakari seinalatu batek Bertsokateko adituen balorazio bat merezi du, beraz, nahi duenak bere kritkatxoa egiteko edo bere iritzia emateko aukera du hemen.

Final on bat iruditu al zitzaizuen orokorrean? Gozatu al zenuen saioan zehar?

Merezitako txapelduna izan al genuen? Ados al zaude epaileen epaiarekin (sailkapenarekin)?

Zein bertsolari gustatu zitzaizuen gehien? Nork hutsegin zuen? Ze bertso edo bertsoaldi iruditu zitzaizuen onena?

Bestelako ekarpenik baduzue gustura jasoko dugu hori ere, zuen iritziak asko balio du-ta.

1.-
Batzuk botelloi edo litruak
besteek botila-festa,
izena bera erabakitzen
eztabaida faltik ezta.

2.-
Gaur egunean gazte artean
botiltzarra modan dago
eta gainera hasi ohi dira
geroz eta gazteago.

3.-
Lurretik altxa eta laguntzen
baldin badigu orekak,
dutxa ederrak jasoko ditu
kale ertzeko paretak.

4.-
Gustoa hartzen baldin bazaio
nahiz eta hasi xuabe,
ezin ondoren ondo pasatu
alkoholikan edan gabe.

5.-
Itxura txarrak kentzeko nahiz ta
botiltzarra debekatu,
prezio hauek dauden artean
baietz egiten jarraitu.

6.-
Botiltzarraren moda hau dago
ohiturara iritsia.
Horrela daude kontuak baina
zein da zuen iritzia?

Xagua

Nahiz ta egia bakarra ez den
nagusi beharko luke,
baina egia dela esanez
gezurra saltzen digute.
La Razón ta ABC,
pentsatzen det: hauek ze???
Zenbat gezur… zenbat putre…
Zoritxarrean eurek gugatik
berdina pentsatzen dute (bis).

Nola bakoitzak aditzen duen
soilik komeni zaiona,
ez da erreza gero haustea
sortu duen axioma;
hortik datoz okerrak,
haserreak ta gerrak.
Xaguan ustea hona:
kontuan hartu behar litzakela
zer den txakurrak diona (bis).

Xagua

           Nik’e estrenatu berko det atal hau… Lehenengo aldiz irakurtzean ez dezute ulertuko, bigarren aldiyan igual… Saritutako sorta da, oseake txarra dela ezin dezue esan jeje. Ulertzen dunak azaldu dezala, edo esan dezala ze ulertzen dun. Eztabaidak nahi ditut.

Doinua: Biribila da lurgaina (Nolakoa zinen Bilbo)

1)
Eguna jaio aurretik
hamabiak aldera,
gogoz kontra gainera,
berriro animatu da
Chenoa kantatzera!        (BIS)
Abiatu naizenean
mugikorra hartzera
pentsatuz “nor ote da?”
Afoniko gelditu da
ni heltzeaz batera        (BIS)

2)
Baina aprobetxatzeko
hara heldu naizela,
zeharkatuz logela,
Nor izan den jakiteko
hartu dut Alcatel-a.         (BIS)
Orduantxe ohartu naiz
beranduegi dela,
gora betez sakela,
bi ordu bazirelako
joan behar nuela         (BIS)

3)
Mahai gainetik giltzak hartu
eta esnatu ahala
irten naiz berehala
eta Kontxara joan naiz
tximista bat bezala         (BIS)
Nahiz eta batek galdetu
bidean nindoala
non dagoen Kursaala
Banekien beste zerbait
galdetu nahi zidala (BIS)

4)
Bidea zein den zehazten
hainbeste hika-mika
isildu da etsita
beharra berak duela
konturatzen hasita (BIS)
mesedea eskertu dit
paperetan jarrita
jarraitu dut korrika
Berarena ez delako
behar dudan bisita (BIS)

5)
Azkenean topatu dut
mobileko gizona
bi orduz zain egona
izanagatik oraindik
dauka umore ona (BIS)
Honi ere Kursaala da
bururatu zaiona
baina hau ez da broma
horretarako preseski
etorri bada hona (BIS)

6)
Erantzuna emateko
nolako ahalegina.
Ezin dut imajina
zein handia izango den
daraman jakin-mina (BIS)
berak ere eskertu dit
aurrekoak adina
baina ez da berdina
kantitatez urrunago
gaudelako, jakina (BIS)

7)
Gero korrika saioak
eduki du segida
baina, etxera, tira…
iritsi eta joan naiz
bazkaltzeko tokira (BIS)
DNIa atera dut
mahai gainera begira
errazena hori da…
Goizeko neke guztiak
estali egin dira. (BIS)

8.
Ohartu naiz ez naizela
nire ekintzen jabe
nago nahikoa grabe
Burua ez dut sekula
eduki horren bare (BIS)
Atea jo dute eta
mugitu naiz suabe
eta nik parez pare
atea ireki diot
nor den ohartu gabe (BIS)

9)
Lausotu eta urruti
dakusat ingurua
nago hain ahuldua
inork atea jo duen
ez da hain segurua (BIS)
bai, bai norbait bereizten dut
baina ez kopurua
hau da hau apurua
Kursaal aldera bidali
baitut nire burua (BIS)

10)
“Legearen izenean
zaudenean gelditu
indarrik ez ahitu”
Baina nahi izanda ere
ez naiteke mugitu (BIS)
egin omen ditudala
horrenbeste delitu
kontuak esan ditu
baina hitzerdi gehiago
ezin ditut aditu (BIS)

11)
Bat-batean esnatu nahiz
sei pareta, bost kate
Hara, norbait dakarte!
Gizon hori izango da
eman duena parte (BIS)
aipatu dit ez dudala
edukiko aparte
ez akats, ez hutsarte
Sudurzuloko zuria
zuritzen dudan arte (BIS)

12)
Inork gogorik bazuen
marra batzuk sartzeko
gazterik ez zahartzeko
esaten nien nahi zuten
guztietan deitzeko (BIS)
Ta Kursaalaren galdera
ezkutua tarteko
lana dut argitzeko
nolatan moldatu ziren
niganaino heltzeko (BIS)

Manu Goiogana

Garai honetan txapelketa da 
bertsoen epizentrua,
4 urtetik behin erakustea
norberaren talentua.
G puntuaren bila gabiltza,
hori omen da kontua;
bertsokatean hargatik egin
nahi det esperimentua:
esan zazute zein den zuetako
bakoitzaren G puntua.

Ez dakinantzat gpuntua da
Gipuzkoko txapelketa,
hil hontan bertan hasten da eta
denok nerbiyoz beteta.
Nor da zuentzat faboritoa?
Nork du txapela gordeta?
Nor pasako da aurrera? Eta
nork beztuko du kopeta?
Ez zaiteztela eskakeatu,
saltxa pixkat nahi det eta!!!

Oier Aizpurua

Atal hau hutsik dago eta nik
nahi dut eztabaida hasi
Arraunzaleak direnek arren
irakurri ta ikasi
Kontxa aldean oriotarrek
lortu omen dute kasi
baina oraindik baietz bandera
Hondarribik irabazi

                                                                            Manu G.