Epailea eta bi akusatuak
2008 Uztaila 22 @ 12:17 (asmakizunak)
Audientzia nazionalean
bi gizon ezker eskuma,
akusazio moduan dute
hilketa baten jarduna.
Zu erruduna zara ta zu ez
juezari diot entzuna,
baina halere gero pasa da
inork espero etzuna.
Errudunana zuzenduz juezak
hala esan dio hurruna:
hau da kasurik bereziena
inoiz ikusi deguna,
nahiz badakigun ta frogak dauden
zu zerala erruduna
legeak hala dio ta libre
utzi behar zaitut laguna.
Ea nork azaltzen didan zergatik utzi duen libre , astindu garuna lagunak!
Xagua
Turbix -(e)k esandakoa
Uztaila 22, 2008 @ 8:59 pm
Hara, berriro ere
hau asmakizuna,
Igarle moduan ERE
hik etorkizuna.
Erantzun egingo det,
asmau, ez tet uste,
epaileek sarritan
mareau gaituzte.
Izan, izan daiteke,
ez ta segurua,
errudunak hil duna
da bere burua.
Ta utzi egin behar
libre alajaina!
Kartzelan ez egoteko
hilaren usaina.
Xagua -(e)k esandakoa
Uztaila 23, 2008 @ 6:36 pm
Nahiz ustez bota dezun
ondorio ona,
ez Turbix, oraindikan
bizi da gizona.
julen -(e)k esandakoa
Uztaila 23, 2008 @ 8:55 pm
Errudun zena aske
utzi bazun bela
ADIN TXIKIKOA ZEN
ezin da bestela
Laralai lai lai laralai lai lai…
ADIN TXIKIKOA ZEN
ezin da bestela
Xagua -(e)k esandakoa
Uztaila 23, 2008 @ 8:57 pm
Zehaztea ahaztu
zitzaidan la ostra!
Adin nagusiko da,
hortxe dago koxka…
julen -(e)k esandakoa
Uztaila 24, 2008 @ 7:56 pm
froga ta guzti ez da
edonor askatzen,
beraz ziur ,GALeko
entxufatu bat zen
laralailai lai…
beraz ziur, GALeko
entxufatu bat zen
Xagua -(e)k esandakoa
Uztaila 25, 2008 @ 12:34 pm
Nahiz ez dedan ukatzen
gerta leikenikan,
GALek ez du honekin
zer ikusirikan.
Inork emate ez badit
erantzun zuzena,
bihar azalduko det
zer tzen pasa zena.
Manu -(e)k esandakoa
Uztaila 25, 2008 @ 11:09 pm
Pasa zun kartzelako
urteen topea
eta ez zen legezko
preso egotea
Manu -(e)k esandakoa
Uztaila 25, 2008 @ 11:11 pm
“estado vegetal”-en
zegonez,… hobeto
hildakoak eskatu
zion egiteko
Xagua -(e)k esandakoa
Uztaila 26, 2008 @ 1:49 pm
Etzen kartzelan egon,
ez da eutanasia,
kasu hau degu oso
oso berezia.
Erantzuna hauxe da
lagunok begira,
bi akusatu hauek
siamesak dira.
Batek libre behar tzun
besteak barruan,
epaileak etzekin
zer egin orduan.
Gartzon bezela etzen
hortara ausartu,
errugabea etzun
kartzelara sartu.
Errugabea libre
gelditu zalako
erruduna re libre
gelditu beharko.
Hala dago legea
nahiz izan xelebre,
kontuz siamesekin
badaezpadaere…