Eurokopa 2008ko Txapeldunak
2008 Uztaila 1 @ 21:54 (Albisteak)
Hooligan bat naizen aldetik iruditzen zitzaidan halako iruzkin bat egin beharra neukala, nahiz eta potrotaraino egongo zeraten egun hauetan albiste hau entzutez, ziurrenik ez delako guk entzun nahiko genukena, baina ditudan ideiak baztertu eta kirol terminotan bakarrik mintzatuko naiz. Austria-Suitza 2008ko Eurokopako irabazlea: Espainiako Selekzioa
Futbolaz ideia pittin bat daukan edozeinek daki, Espainiak egin duela Eurokopa honetan, Holanda eta Kroaziarekin batera jokurik, ligaxkako 3 partidak errez irabaziz. Azken bi hauek ordea, final laurdenetan gehienon harridurarako kaleratuak izan ziren Errusia eta Turkiaren aurka, Espainiak ordea ez du hutsik egin eta bere joku tekniko eta ikusgarriak beste selekzio guztiei gaina hartu die eta merezita irabazi dute Eurokopa hau.
Bestalde, abiadurak;potentziak eta agresibitateak futbolean hainbeste garrantzia duen garai honetan, eskuineko jokalari honi eman diote Eurokopako jokalari onenaren saria. Xavi Hernandez da bera, bartzelonakoa eta 1.68m neurtzen du, ez da oso azkarra ez indartsua. Halaere baloia hanketan ongi erabiltzen, beti lagun egokienari pasatzen dio, jaurtiketa bikaina dauka, erasoko jokaldia hasten du eta 2. lerrotik errematatzera sarri iristen du, eta defentsan ere zelaierdian beti ondo kokatuta dago, erdilari defentsiboaren laguntzaz ( kasu honetan Marcos Senna sasoiko bat) presioa egin eta erasoko aukera gehienak itxiz eta baloiak goian errekuperatuz, kontraeraso bizkor bat ahalbidetzeko. Goitik beherako futbolaria.
Hooligan
Hooooligan -(e)k esandakoa
Uztaila 2, 2008 @ 9:02 pm
Nire iritziz Eurokopako 11ko onena litzakena egingo dut. Norbaitek bererik egin nahiko balu edo nirearekin ados ez badago, bere iritzia eman dezala.
Atezaina: Buffon (Italia)
Defentsak: Lahm (Alemania), Puyol (España), Ufjaulousi (Txekia) eta Sabri (Turkia)
Erdilariak: Podolski (Alemania), Modric (Kroazia), Xavi (España) eta Sneijder (Holanda)
Aurrelariak: Arshavin (Errusia) eta Benzema (Frantzia)
Ez esan futbola gustatzen ez zaizuenik!
Ekhinobitx -(e)k esandakoa
Uztaila 3, 2008 @ 2:16 pm
Eurokopako finalari buruz, asteartean Uxue Apaolazak oso artikulu polita argitaratu zuen BERRIAn : “Que viva España”
Irakurtzea gomendatzen dizuet!
Xagua -(e)k esandakoa
Uztaila 3, 2008 @ 2:23 pm
Eurokopa pixka bat
jarraitu det baña
ez neuk hamaikako bat
egiteko aña.
Turbix -(e)k esandakoa
Uztaila 3, 2008 @ 8:46 pm
Harrituta uzi nau
idatzi duanak,
ingalaterran ziren
leno hoooliganak.
Italia-Españan
baziren kantuak,
batzuek jaungoikuak
bestiak santuak.
Entzun izan ditugu
hainbat izen eder,
dudik gabe onena
genun Metesacker.
Futbol kontuk aspaldin
exkaxak dabiltza,
nahiago det askozaz
txirrindularitza.
Xagua -(e)k esandakoa
Uztaila 3, 2008 @ 11:30 pm
Nahiz ironi puntua
gendun nabarmena,
Turbix asko gustau zait
metersackerrena.
Egingo baldin balu
izenak dioena,
Euskal Herrian bera
litzake onena.