=-=-=-BertsoKatea-=-=-=

Alperrik ez det hitzik egingo,
ezin baita disimula
sailkapen honek mila hitzek baino
gehiago balio dula.

Xagua _{^{(zein bestela… kar kar kar)}}

Audientzia nazionalean
bi gizon ezker eskuma,
akusazio moduan dute
hilketa baten jarduna.
Zu erruduna zara ta zu ez
juezari diot entzuna,
baina halere gero pasa da
inork espero etzuna.
Errudunana zuzenduz juezak
hala esan dio hurruna:
hau da kasurik bereziena
inoiz ikusi deguna,
nahiz badakigun ta frogak dauden
zu zerala erruduna
legeak hala dio ta libre
utzi behar zaitut laguna.

^{Ea nork azaltzen didan zergatik utzi duen libre , astindu garuna lagunak!}

Xagua

Pirinioetako aurreneko froga gainditu aurretik,
sailkapenari begirada bat eman beharra diogu :

1- - 288. Oier Aizpurua Zarautz 1943 p.
2- - 635. Gorka Urbistondo Azpeitia 1862 p.
3- - 715. Ekhi Erremundeguy Baiona 1845 p.
4- - 2567. Aitor Urbieta Zarautz 1549 p.
5- - 4400. Manu Goiogana Irun 1333 p.
6- - 5447. Uxue Goenaga Donostia 1227 p.

Zarautzen urtero antolatu ohi dugun bertso “astea” ere hurbiltzen ari da. Uztailak 17-18-19 egunetan hainbat ekintza burutuko dira zarauzko kaleetan. Uztailak 17an bertso musikatuen emanaldia izango da kale nagusian dagoen Basarriren bustuaren parkean eta ostiralean Zarautz-Azpeitia GR-16ko saioa izango da bertan. Bestalde, 19 larunbata, egun nagusia izango da, txepelketaren eguna hain zuzen ere.Herritarrei eta herritarrak ez direnei hamaiketakoa eta bertso sorta batzuk eskeini ostean txepelketari hasera emango zaio.

Txepelketa tabernaz-taberna burutzen da eta taberna bakoitzean bina partehartzailek hartzen dute parte buruz buruko libreko saioetan. Bertan ez dira hankaluzeak potoak eta horrelakoak kontuan hartzen, aurrekoa isilaraztea eta jendeari irribarre bat sortzea da gehien baloratzen dena.

Noski, esan beharrik ez dago partehartzea ez dela zarauztarrengana soilik mugatzen eta oso aberasgarria dela jende berriak parte hartzea. Esate baterako, Ekhinobitxek parte hartu zuen lehengo urtean eta oso dotore gainera, Silvi bera ere hurreratu zen duela bi urte eta kantuan jardun nahi ez zuenez epaimahai lanetan jarri genuen jejeje, bestalde, bertsokatearen asmakizunen jarraitzaile den Maialen Akizuk (aurten Euskal Herriko eskolarteko txapela irabazi duena) ere kantatu zuen txepelketan “Cipri” tabernan, duela 4 urte oker ez banago.

Gainera, hainbat zurrumurruren arabera KZBL aurtengo txepelketa prestatzen ari omen da azken hilabeteetan eta horregatik ez omen da katetik azaldu azkenaldian, hala ote da… Turbixentzat ere aukera polita izan daiteke txepelketa, nahiz eta oraingoz ez duen aitortu partehartzeko asmorik. Hooligan bertan izango da aurten ere, agian zalantza handiena Xaguarena da, Aubixan monitore lanak egun horretan bukatzen baititu eta ez baitago ziur txepelketara garaiz iristeko moduan izango den, baja handia litzateke zalantza izpirik gabe. Azkenik, entzun dudanez, “la chica del coro” ere parte hartzeko asmotan omen da baina anaiaren oneritzirik ez omen du lortu oraindik, lastima…

Xabier Etxeberria izan zen iaz txepeldun eta Hooligan berak (duela bi urteko txepelduna) eman zizkion txepeldunaren sariak; hots, soberano botila, farias kaxa eta txepela. Hala ere, saririk onena urte osoan kaka emateko eskubidea da eta Xabik badaki ederki zer den hori… Ez da errexa izango Xabiri txepela kentzea baino mila gorri bertsokateko norbaitek lortuko duela!!

^{Xabier Etxeberria, iazko txepelduna}

Norbaitek txepelketan parte hartzeko asmorik balu edo besterik gabe egun eder honetaz gozatzera etorri nahiko balu, Motxianeko bati aurrez abixatzea eskertuko genioke, bazkaritarako txartelak gorde ahal izateko. Anima zaitezte!!!!

Xagua

Hooligan bat naizen aldetik iruditzen zitzaidan halako iruzkin bat egin beharra neukala, nahiz eta potrotaraino egongo zeraten egun hauetan albiste hau entzutez, ziurrenik ez delako guk entzun nahiko genukena, baina ditudan ideiak baztertu eta kirol terminotan bakarrik mintzatuko naiz.  Austria-Suitza 2008ko Eurokopako irabazlea: Espainiako Selekzioa

Futbolaz ideia pittin bat daukan edozeinek daki, Espainiak egin duela Eurokopa honetan, Holanda eta Kroaziarekin batera jokurik, ligaxkako 3 partidak errez irabaziz. Azken bi hauek ordea, final laurdenetan gehienon harridurarako kaleratuak izan ziren Errusia eta Turkiaren aurka, Espainiak ordea ez du hutsik egin eta bere joku tekniko eta ikusgarriak beste selekzio guztiei gaina hartu die eta merezita irabazi dute Eurokopa hau.

Bestalde, abiadurak;potentziak eta agresibitateak futbolean hainbeste garrantzia duen garai honetan, eskuineko jokalari honi eman diote Eurokopako jokalari onenaren saria. Xavi Hernandez da bera, bartzelonakoa eta 1.68m neurtzen du, ez da oso azkarra ez indartsua. Halaere baloia hanketan ongi erabiltzen, beti lagun egokienari pasatzen dio, jaurtiketa bikaina dauka, erasoko jokaldia hasten du eta 2. lerrotik errematatzera sarri iristen du, eta defentsan ere zelaierdian beti ondo kokatuta dago, erdilari defentsiboaren laguntzaz ( kasu honetan Marcos Senna sasoiko bat) presioa egin eta erasoko aukera gehienak itxiz eta baloiak goian errekuperatuz, kontraeraso bizkor bat ahalbidetzeko. Goitik beherako futbolaria.

Hooligan