=-=-=-BertsoKatea-=-=-=

Bota bertsuba IV

2008 Martxoa 4 @ 18:33 (Bota bertsuba!)

^{Elekziyuak datozela ta… bota bertsuba!!!}

Ekhinobitx -(e)k esandakoa

Martxoa 4, 2008 @ 10:32 pm

barkatu baina ni abstenitzen naiz!
Manex -(e)k esandakoa

Martxoa 5, 2008 @ 9:35 am

Ez dut ulertzen inuxente hau
presidente nola izan den
Azoreetan Bush eta Blairren
atzetikan lerden lerden
ta España va muy bien
gezurra han ta hemen
eta gerraren ondoren
pentsakor eta kezkaturikan
guztiok geratu ginen
Anonimoa -(e)k esandakoa

Martxoa 6, 2008 @ 7:40 pm

Mukibeltz honek ein zigun
krixtoren putada sorta,
halare jarraitzen dugu
oraindikan tipo horta,
injustiziz injustizi
tai ñorri ez importa!
non daude EA, Aralar,
ta non dago EAJ?
Emaitza aspalditikan
erabakita dago ta,
esango da, izan dela
abertzaleen porrota,
duda handirik ez dago
botoa eman, ez bota
beraz igandean egin
dezagun denok boikota.
Hooooligan -(e)k esandakoa

Martxoa 7, 2008 @ 9:14 pm

Heriotza bat izan degu gaur
atentatu bat medio,
lekuz kanpoko eraso horrek
zeinentzako du balio?
Bigotes eta bere kolegek
gero zenbat hitz-jario,
edozein hartuz terroristatzat
ta haien kontra serio,
baina atzetik indarra ere
horretxek ematen dio.
Xagua -(e)k esandakoa

Martxoa 10, 2008 @ 10:44 pm

Arrazoia daukazu
Aitor beharbada,
(baldin ta politikan
arrazoirik bada).
Lekuz kanpo bost tiro
erantzun gisara,
begia begi truke
gaizki gabiltz hara,
ez degu ikusi nahi
ta_itsutuko gara.