=-=-=-BertsoKatea-=-=-=

Azkenaldian bertsokatean
ez dabil pertsona asko
Baina bat bada, bat bereziki
aspalditik dena kanpo!!
Non da Kazabal? non da Kazabal?
galdera egin beharko
noizbait agertu beharko duzu
gure desafiorako!!

Ekhinobitx

Gizon gizenenaren ondotik altuena

(sakatu argazkiaren gainean bideoa ikusteko)

Ekhinobitx

Gaurre Xagua alper xamar dao ta beria ez dan bertso sorta bat jartzeu, seuru danak ezautzezuela baño beno; merezi du berrize letziak, earra da ta…

1.-
Gogoan al dun nola
biok parez pare
izan ginen urondo
bereko landare.
Gero egin hai zuhaitz
arrotzeko lore
badun nik ez dakidan
hainbesteko kolore:
zenbat aldatu haizen
SINESTEKO ere!

2.-
Alde huen herritik
igandean goizik
hemen ez omen baitzen
betikoa baizik
pantailan omen habil
orain oso pozik
behin erdi estalita
behin erdi biluzik:
ez ninan SINESTUKO
neuk ikusi ezik.

3.-
Eguzkiz makilatu
dinate azala
jantzi eta erantzi
panpina bezala.
Hi omen haiz harako
irla ideala
zoramen-haitzak eta
zorion-itzala:
ez dun SINESTEN baina
ematen dun hala.

4.-
Oraindik ezin dinat
buruan bat egin
joan hintzen usoa
“Txoriñe” honekin.
Maite haut esateko
zenbat hots ezberdin
oh ma chene. Oh mi amor!
I love you my darlin:
SINESTU dien eta
hireak egin din.

5.-
Amodioa hire
ager-ostenetan
teatroa besterik
ez dun gehienetan.
Hi azukrontzi jarri
haute banaketan
begiak euliak lez
ibiltzeko bertan:
zail dun SINESTEN baina
hala dun benetan.

6.-
Yo te adoro, oh my love!
Ene mon amour-a.
Ez al dun higuingarri
delako murmurra?
Betiko tuntun horrek
behar din gezurra
edo beste egien
estalki maltzurra:
zulatu didan neukan
SINESTE apurra.

7.-
Loriak udan intza…
Lizar gerri lerden…
Maitaleak horrela
mintzo gaitun hemen.
Ez dun hain “guaia” baina
euskaraz bederen hobeto jakiten dun
egia ote den:
hik dena SINESTU dun
ulertu baino lehen.

8.-
Ez dinat ukatuko
berezko lilura
loreak ere joaten
ditun merkatura.
Sal-erosian habil
eskutik eskura
heuk zenbat balio dun
ez zaien ardura:
SINESTEA zertan den
gure neska hura!

9.-
Halako marka berri
galanten aukera
turbo-motorea eta
bi izter gainera.
Prezioa jartzen din
bularren parera
tristura jetxi zaidan
gogo barrenera:
ezin dinat SINESTU
HI HAIZELA BERA.

Xabier Amuriza

Kasu honetan nik galdera bat egingo det, eta zuek erantzunak nahi ditut.

Noizko asteburu pasa eta desafioa?????
Apirila gainean dugu…

Manu

(gainean klik eginez bideoa ikusiko duzu)

Ekhinobitx

Bertso pare bat idatziz
horra presentazioa,
banuen hemen sartzeko
aspaldin ilusioa
Gorka Urbistondo naiz ni
Bertsoa afizioa,
Mekaniko (txatarrero)
Da nire ofizioa   (bis)
Kalimotxo ta Gin kasa
Dira nire bizioa
Saskibaloia gustoko
Eta tau-kin pasioa
Afari ta bazkariak
ia ia obsesioa
Neskatan eitea berriz
Zientzia fikzioa.    (bis)

Argazki hau aurkitu det
armairu baten gordea,
garbi ikusten da hemen
ni naiz mutil dotorea,
beti umoretsu nago
ez naiz batere bordea,
umetatik gainezka det
haixea ta umorea
amak esaten dit leno
nula fisiko hobea
orain aldatu egin zait
txikitako kolorea
azaletikan joan zait
gorputzetik ez ordea
orain beste zentzu baten
bait naiz apur bat berdea.  (bis)

^{Elekziyuak datozela ta… bota bertsuba!!!}

Atzo Erniarraitzen
zer nolako filma
ederra zen giroa
ederra klima,
kas naranjak bazeukan
nahiko bitamina,
Attorrek demostrau zun
bertsotan zekina,
ideiak arrima
ta graziz konbina
doinu ta errima
eta ez patina,
txapeldun izateko
aski SISTIMA (bis).

Bazun emoziyua
ta barne kilima,
parrandarako prestu
autoestima;
baina hori etzuen
autoak estima,
Zarautzera bidean
Santa Katalina!
Pozaren biktima,
kotxiak patina,
bazterra arrima,
hura adrenalina!!
txapela ospatzeko
a zer SISTIMA (bis).

Nahiz sustoa inork ez
guri elimina,
laxter heldu zen berriz
pozan rutina,
txapela kendu gabe
juergara arrima,
hortik aurrera daki
norberak dakina…
Aitzak ondo lima,
bertso gasolina
heltze zaik Pekina,
segi zak makina!!!
Gustatze zaiguk eta
hire SISTIMA (bis).

Xagua