BOTIKARIOA ETA NESKA LAPURRA
2008 Urtarrila 19 @ 19:59 (Bertso zaharrak)
Zegaman, 1980-XI-5
Gaia: Botikarioa (Joxe Lizaso) eta lapurretara doan neska (Lazkao-Txiki)
Laz:
Nere pistolarekin
ni botikan sartu,
ta botikario hau
bat ez da bildurtu.
Drogarik bai al dezu?
Nai nuke drogatu,
zoriona zer gauz dan
ezbaitet probatu.
.
Liz:
Entzun dezute orain
neskatxak zer dion,
zeren billa zebillen
antzematen zaion.
Nun izan aiz: Zarautzen,
berdin da Orion?
Pistola ori, neska,
zeiñi kendu dion?
.
Laz:
Pistola ekarri det
diozun moduan,
orain errez billatzen
diraden lekuan.
Bati ostu nion ta
gorde nun kolkuan,
beste bat e badet ta
ibili kontuan.
.
Liz:
Arma aundi batekin
au da neskatilla!
Disimuluan dator
droga batzun billa.
Zertarako den droga,
zertako pastilla?
Ik ez al uke obe
gustoko mutilla?
.
Laz: (Bertsorik onena)
Drogaren billa nator,
zuk ondo sinetsi;
beti zuk zeureari
nai diozu eutsi.
Emaidazu porrua
eo berdin zait hatxi,
emen kontu oiekin
berriketa gutxi.
.
Liz:
Neskatxa arraioa,
jarrai zazu txukun,
mutil jator batekin
egin adi lagun.
Arek dibertiko au
tanbolin da ttun-ttun,
droga ta txorakeiak
alperrikan ditun.
.
Aitor “Hooooooligan” Urbieta
Xagua -(e)k esandakoa
Urtarrila 19, 2008 @ 10:26 pm
Zarautzen pistolarik
ezta neskatila,
ez gera horrelako
mafioso koadrila…
Gordetako pistolak
bai ordea pila,
droga ahaztu ta zatoz
mutil baten bila…
Manu -(e)k esandakoa
Urtarrila 22, 2008 @ 12:17 pm
Neska arren ibili
hadi txukun-txukun
Oier Aizpuruakin
egin hadi lagun
Zarautzen txoakeiak
alperrikan ditun
Oierrekingo dizkin
tanbolin ta ttun-ttun
Xagua -(e)k esandakoa
Urtarrila 22, 2008 @ 12:27 pm
larai laralai laralai tanbolin ta ttun-ttun.