=-=-=-BertsoKatea-=-=-=

1.-
Larunbatean gertatu zena
nator kontatu asmotan,
holako egun intentsorikan
ez baitet izan askotan.
Goizean goiztik Errenteriyan
aritu giñen bertsotan
attor, kzbl eta hirurok
beti elkarri erronkan
kantuan baño ordu gehiago
eman genitun dardotan.

2.-
Kzbl ta ni profesionalak
begirada gendun zorrotz,
Aitor ordea zeinen aldrebes
(ta etzebilen apropos)
gehientsuetan pareta eta
beste askotan lurra joz,
hala ta guztiz gure mutilak
zenbat ilusio ta poz,
behin irabazi ta dana intzun
(la suerte de los novatos).

3.-
Bazkaldu eta bertso saio bat
bazen gure hitzorduan,
Gu ta  Gutarrak aitzen Eibarra
pozik joan ginen orduan,
saio ederra juan tzen oso
espero gendun moduan,
nahiz eta Hodei 6. izan
(guk lehenbizi nahi genduan),
puntuaketai kaso putik ez
geyago merezi huan!

4.-
Gero Etxalarren sayua gendun
ta irten giñen lehenbailen
kopilotuak (Attor) bidea
etzekila zirudien,
Sabina tope! Ta gu galduta…
gustora geunden bederen.
Ez dakit nola Etxalar partez
irten ez giñen Berliñen…
Ordu aldaketa ta guzti ere
berandu iritsi giñen.

5.-
Bertsotan show-a eman genuen
Haritzek ohi dun modura,
bertso saio bat baño gehiago
zirku bat izan tzen hura,
jendeak nahiko parre egintzun
txorakerien kontura,
nahiz eta tanga eraman nuen
txapelak behar tzun lekura,
desapiyua irabazita
itzuli giñen gustura.

6.-
Bertakoekin trago bat hartu
eta kotxera atzea,
bidian zehar egin genuen
bertsotako balantzea
eta horrela ohartzerako
heldu giñen Zarautzea.
Gero zonara juerga joan giñen 
beste askoren antzea
baña hortikan aurrerakoak
hobe da ez kontatzea.

Xagua

Kaixo gaztiak!

Nere lagun Oierrek konbentzituta ni re azkenian animatu naiz zuen Bertsokate ezagunean idaztera. Gipuzkoako Bertsolari Txapelketa azkenetara ailegatzen ari dan hontan inor gutxi akordatzen da nere moduko partehartzaile “sobranteekin”. Gure herriko Txaparro hilabetekari politak alero argitaratzen du zutabe batean bertso sorta bat eta azkenekoan neri zegokidan bidaltzea. Getariko kanporaketak utzitako amorrazioz, sorta hauxe idatzi nuen (4 10eko haundi), eta irakurri dutenen artean nahiko harrera ona izan duela uste dut. Beno, luzamendu gehiago gabe nere bertsoekin uzten zaituztet, ea gustatzen zaizkizuen.

1.
Gipuzkoako Txapelketa bat
bada bertsolariena
gure burua erakusteko
eszenatoki gorena
puntuen bidez zehazten dute
gure mailaren ordena
lau urterako markatzen dute
zein den gure ondorena
gehienontzako gorrotagarri
bezain tentagarri dena.

2.
Epaimahaikoa han dago erne
kutxiloa zorroztua,
bete behar da bai euren eta
bai entzuleen gustua
arrazoi ona bota beharra
errima berriz estua
erantzuna´re egokia ta
doinu apropos justua,
hori guztia pentsatzerako
bertso osoa ahaztua!

3.
Gai-jartzaileak ipintzen gaitu
kinka larrian trantzeko
nahiz nerbioak dantzan ibili
gu tinko odol hotzeko
nondik eraso, nondik defendi
kolpea gogor jotzeko,
rol ezberdinak hartu behar-ta
arriskua gertatzeko
uste ez deguna kantatutzea
puntu gehiago lortzeko.

4.
Lagun dexente ari gara ta
denok ezin degu pasa
gutako batzuk sailkatu dira
ez da ez jende eskasa,
puntan daudenek ziurtatuta
urtean hainbeste plaza,
beste batzuri nahi baino lehen
amaitu zaigu jolasa
beraz jarraitu beharko degu
komunean geure kasa.

Aitor “Bertsohooligan” Urbieta