Botila-festa
2007 Azaroa 26 @ 22:46 (Eztabaidak)
1.-
Batzuk botelloi edo litruak
besteek botila-festa,
izena bera erabakitzen
eztabaida faltik ezta.
2.-
Gaur egunean gazte artean
botiltzarra modan dago
eta gainera hasi ohi dira
geroz eta gazteago.
3.-
Lurretik altxa eta laguntzen
baldin badigu orekak,
dutxa ederrak jasoko ditu
kale ertzeko paretak.
4.-
Gustoa hartzen baldin bazaio
nahiz eta hasi xuabe,
ezin ondoren ondo pasatu
alkoholikan edan gabe.
5.-
Itxura txarrak kentzeko nahiz ta
botiltzarra debekatu,
prezio hauek dauden artean
baietz egiten jarraitu.
6.-
Botiltzarraren moda hau dago
ohiturara iritsia.
Horrela daude kontuak baina
zein da zuen iritzia?
Xagua
Kazkazuri -(e)k esandakoa
Azaroa 28, 2007 @ 9:39 pm
Nahiz eta batzuk asko kexatu,
egia hauxe da hara:
merke ta asko eatia baño
gauza hoberik ba al da?
Ekhinobitx -(e)k esandakoa
Azaroa 30, 2007 @ 8:36 am
ba bai hoberik bada
aitortu beharko
onena edatea
dohainik ta asko!
Kazkazuri -(e)k esandakoa
Abendua 1, 2007 @ 5:37 pm
Nahiz Ekhinobitx zuk diozunak
berez ez dun ezer txarrik,
horrelakoak egiten ditu
bertsolariak bakarrik…
Ekhinobitx -(e)k esandakoa
Abendua 1, 2007 @ 10:50 pm
galdera bat dut beharba b ate
ulertuko ez duzuna
zu_izan al zinen atzo Kaieten
bertsoa kantatu zuna?