Txapelketaren zurrunbiloan
2007 Azaroa 1 @ 11:07 (Sortak)
Kaixo gaztiak!
Nere lagun Oierrek konbentzituta ni re azkenian animatu naiz zuen Bertsokate ezagunean idaztera. Gipuzkoako Bertsolari Txapelketa azkenetara ailegatzen ari dan hontan inor gutxi akordatzen da nere moduko partehartzaile “sobranteekin”. Gure herriko Txaparro hilabetekari politak alero argitaratzen du zutabe batean bertso sorta bat eta azkenekoan neri zegokidan bidaltzea. Getariko kanporaketak utzitako amorrazioz, sorta hauxe idatzi nuen (4 10eko haundi), eta irakurri dutenen artean nahiko harrera ona izan duela uste dut. Beno, luzamendu gehiago gabe nere bertsoekin uzten zaituztet, ea gustatzen zaizkizuen.
1.
Gipuzkoako Txapelketa bat
bada bertsolariena
gure burua erakusteko
eszenatoki gorena
puntuen bidez zehazten dute
gure mailaren ordena
lau urterako markatzen dute
zein den gure ondorena
gehienontzako gorrotagarri
bezain tentagarri dena.
2.
Epaimahaikoa han dago erne
kutxiloa zorroztua,
bete behar da bai euren eta
bai entzuleen gustua
arrazoi ona bota beharra
errima berriz estua
erantzuna´re egokia ta
doinu apropos justua,
hori guztia pentsatzerako
bertso osoa ahaztua!
3.
Gai-jartzaileak ipintzen gaitu
kinka larrian trantzeko
nahiz nerbioak dantzan ibili
gu tinko odol hotzeko
nondik eraso, nondik defendi
kolpea gogor jotzeko,
rol ezberdinak hartu behar-ta
arriskua gertatzeko
uste ez deguna kantatutzea
puntu gehiago lortzeko.
4.
Lagun dexente ari gara ta
denok ezin degu pasa
gutako batzuk sailkatu dira
ez da ez jende eskasa,
puntan daudenek ziurtatuta
urtean hainbeste plaza,
beste batzuri nahi baino lehen
amaitu zaigu jolasa
beraz jarraitu beharko degu
komunean geure kasa.
Aitor “Bertsohooligan” Urbieta
Ekhinobitx -(e)k esandakoa
Azaroa 1, 2007 @ 2:31 pm
Aitor asmatu duzu
zuk bete-betean
komunean kantatzen
dugun bitartean
gaizki kanta daiteke
gainera pakean
seinale ona baita
kaka egitean
kzbl -(e)k esandakoa
Azaroa 1, 2007 @ 2:34 pm
ona ekhinobitx!!! jaja.
attor… hi haiz hi fenomenua!!! segi hola
ea zeñek jartzen dion 3. prueba ibairi… ez badu inorrek jartzen nik jarriko diot 21:00tan.
see you my friends!!!
Xagua -(e)k esandakoa
Azaroa 1, 2007 @ 3:03 pm
Ongi etorri Attor
eta ahaztu penak,
kutxilloak, puntuak,
epai ta ordenak;
ez baitik garrantzirik
txapelketarenak…
Nahiz zentzua eduki
Ekhik dioenak,
dutxan botatzen dira
bertsorik onenak.
kzbl -(e)k esandakoa
Azaroa 1, 2007 @ 4:07 pm
dutxara sartzen gera
sarri kantatzera
orain ahotsa gora
eta orain behera
txapeldun izateko
goizero aukera
denok gure dutxako
txapeldunak gera…
nahiz ta esan dudana
horrela den berez
zeozer pasa leike
dutxan’e aldrebes
gurasoek sexuan
eukita interes
txapeldun gera denok
bueno McDalen ez
jiji.
ane -(e)k esandakoa
Azaroa 1, 2007 @ 4:14 pm
Getarin izan nintzen ni zuen
saio horretan lekuko,
ta ziur nago eztezuela
saioa iñoiz ahaztuko.
Dutxa barruan nahiz komunean
kantatu, ez egin uko
gozatzen segi lagun artean
guk gure mailan ta punto
guk nahi badegu Aitor jolasa
ezta iñoiz amaituko.
Xagua -(e)k esandakoa
Azaroa 1, 2007 @ 4:27 pm
“dutxa barruan nahiz kumunean”
“gozatzen segi” bederen,
ederki asko antzeman zaio
ze jolasetaz ari den…
kzbl -(e)k esandakoa
Azaroa 1, 2007 @ 4:35 pm
joder, la letxe, kauen la puta
berotu egin naiz bapo
ane casabal prestu daukazu
joku horietarako
Xagua -(e)k esandakoa
Azaroa 1, 2007 @ 4:45 pm
Nahiz ta casabal hori entzunda
seituan prest jarri hola,
gizarajua ezta ohartu
Aitorri esan diola…
kzbl -(e)k esandakoa
Azaroa 1, 2007 @ 4:52 pm
oier hi haiz hi gizajo hutsa
ixildu hadi mutiko
aitorrentzako idatzi badik…
trio bat egin ta kitto!!!
Ekhinobitx -(e)k esandakoa
Azaroa 1, 2007 @ 6:22 pm
nik pentsatzen dut Anek errana
Kazabalentzako zela
edonork daki gure “mutillak”
hanKA ZABALa duela
(barkatu…)
ane -(e)k esandakoa
Azaroa 1, 2007 @ 7:01 pm
Edozer gauza ulertzen dute
sexu kontua bezela…
nabarmentzen da Torrente baino
kIRTENAGO zaudetela!!!
KZBL -(e)k esandakoa
Azaroa 1, 2007 @ 8:00 pm
ekhi, eskua eta mala ostia ere zabalak zeuzkeat beraz kontuz ze esaten deken! portzierto KAZABAL soilik lagunentzat da.
Ekhinobitx -(e)k esandakoa
Azaroa 1, 2007 @ 8:06 pm
horregatik deitze haut hanKAZABAL
kzbl -(e)k esandakoa
Azaroa 2, 2007 @ 12:04 pm
ekhi desafio bat botatzeit
hik bertsokateko beste bi artu ta nik beste bi
ta pikea ingo yau.
publikuak botoa eta bertsokateko bat gaijartzaile.
galtzen duen taldeak antolatu beharko du kateko afaria. ados?
hi aste yaz elegitzen. banan bana. hik bat, nik bat. hik bat, nik bat.
ke enpieze el show!!!!!!!!!!!!!
Aitor "hooligan" Urbieta -(e)k esandakoa
Azaroa 2, 2007 @ 4:17 pm
Hiru erantzun on jaso ditut
eman didate indarra
hoiei bidali nahi diet bueltan
orain nere irriparra,
hortik aurrera dena nahastu da:
desafio ta marmarra
Batetik Ekhi, bestetik Haritz
ez al da nahikoa txarra
derrigorrean bitatik baten
bandoan sartu beharra
kzbl -(e)k esandakoa
Azaroa 2, 2007 @ 4:44 pm
hi ez haut hartuko, izorrai!!!
Ekhinobitx -(e)k esandakoa
Azaroa 2, 2007 @ 6:54 pm
Nola Kazabal bakar bakarrik
nere kontra ez den ezer
Hartu ny ditu desafiorako
hark bi bertsolari eder
deia luzatu nyko nieke
nire aldeko direner
eta hasteko, ados bahago
hi hautatuko haut Oier
Xagua -(e)k esandakoa
Azaroa 2, 2007 @ 7:31 pm
Onartzen diat hire oferta
ta enauk jardungo pattal,
Ekhi ta biyok talde berean
urte osuan karnabal!
Orain artian harro dagona
laxte jarriko da apal,
oraingo hontan hiriak in dik
galduta hago Kzbl!!!
Ekhinobitx -(e)k esandakoa
Azaroa 2, 2007 @ 7:51 pm
Oier benetan eskertzen diat
hik egindako jestua
hori behar nian : hi bezelako,
bertsolari on, prestua
KZBL hire bukaera duk
hurbila edo gertua
abantaila bat behar duk eta
hik hauta ezak lekua
kzbl -(e)k esandakoa
Azaroa 2, 2007 @ 10:54 pm
nereak egin duela edo
argi dago zuen juzkuz
baina oraindik enago hilda
ta beraz “andate kon luz”
gipuzkoa ta iparraldea
berdinduz bertso apustuz
plazer handia litzake netzat
bere indar, bere pultsuz
nere taldean ariko balitz
super maddalen Arzallus.
H2O_kte -(e)k esandakoa
Azaroa 2, 2007 @ 11:13 pm
Hona sartu naiz eta bapaten
aze nolako liskarra,
Ekhi ta Oier Haritzen aurka
ez al da ausartzen bakarra,
kazabal oso haundia data
batak bestean beharra,
ustet kazabal dutena dela
zureganako beldurra!!
Ekhinobitx -(e)k esandakoa
Azaroa 3, 2007 @ 10:15 am
aukera batzuk izatekotan
hautatu du txapelduna
bertsotarako kalitatea
duelako ezaguna
Baina ez pentsa, nik e badiat
taldea nyko txukuna
hortako manuk izan nahi badu
nire_hirugarren laguna
kzbl -(e)k esandakoa
Azaroa 3, 2007 @ 3:37 pm
bi lagun nere kontra jarrita
ni irabazi naian truk
baina halere oraindik ditut
manga azpian as batzuk
manuel jauna taldeko kide
izendatzen badezu zuk
beste neska bat nahiko nuke nik
eta ane hautatzen dut.
Manu -(e)k esandakoa
Azaroa 3, 2007 @ 9:03 pm
Oporretatik bueltan etorri
ta zer nolako ikara!!
desafioa mahai gainean da
ikusi dudan erara
oier ta ekhi zuekin noa
baina detaile bat hara:
Niri berdin zait norekin joan
bertsotan egin behar bada!!
bertsokatea -(e)k esandakoa
Azaroa 4, 2007 @ 4:29 pm
ondo manu, egiya esatia earra dek