Politikoen politika polita …
2007 Urria 18 @ 16:13 (Umore grafikoa)
Beharrezkoa dela
nahiz ta badakitan,
aspertu egiten naiz
gaurko politikan.
Norberana ahaztuta
besteen kritikan
denbora galtzen dute
hirutikan bitan,
elkar aditu gabe
elkarri erritan,
hauekin ezetz lortu
konponbiderikan.
Lazkao Txikik zion,
hala da egitan:
“politikan ez dago
ezer politikan”.
Xagua
McDalen -(e)k esandakoa
Urria 18, 2007 @ 5:07 pm
Politika gezurra
bihurtu da dena
Ezin asmatuz nabil
zein den okerrena
Baina ez dut erakusten
aurpegian pena
Hori delako hoiek
lirtu nahi dutena