kide berri bat…
2007 Urria 10 @ 20:59 (bertsokatea)
Banatorrela, banatorrela
nire bertso eta kantu,
ala ta guztiz nire izenik
ez dut esan nahi ain altu.
Argazki honek ematen ditu
nik ez dakit zenbat datu,
badakienak ez esan eta
ez dakienak asmatu.
. . . . .
Xagua -(e)k esandakoa
Urria 10, 2007 @ 9:20 pm
Eztakinantzat pista bat badet,
asmatuko du horrela:
argazki hontan ematen duen
bezain xantua eztela.
kzbl -(e)k esandakoa
Urria 10, 2007 @ 10:04 pm
oier agian neska hau nor den
ongi aski dakizu zuk
baina ordea nik ez dakit ta
pista gehiago nahi ditut
Zepai -(e)k esandakoa
Urria 10, 2007 @ 10:49 pm
Horko neska txiki horrek guk hirurok batera baino txapel gehiago zeuzkak jantziak bertsotan, eta kategorikoak.
Ez zeukak buruan amaraun asko alajaina!
. . . . -(e)k esandakoa
Urria 10, 2007 @ 11:09 pm
begi argiak, ille marroia
badaukat bihurri sona
neska haundia ez izan arren
bihotza daukat kristona (ejem)
Manu -(e)k esandakoa
Urria 11, 2007 @ 10:42 am
Argazkia ikusi dut eta
jo ze ondo, zeinen ondo!
uste dudana baldin bada hau
ixilik ez da egongo
Manu -(e)k esandakoa
Urria 11, 2007 @ 10:43 am
Ongi etorria!!
Ekhinobitx -(e)k esandakoa
Urria 11, 2007 @ 11:46 am
neska hau baso batzuk hartuta
ez da gehio hain txukuna
mutil bakarra ikusi ordez
3 ikusten dituna
Xagua -(e)k esandakoa
Urria 11, 2007 @ 1:58 pm
Nahiz argazkia ikusi eta
nor den liteken susmatu…
Kzbl nahiko pista badituk,
oaindik ez al dek asmatu?
ane -(e)k esandakoa
Urria 11, 2007 @ 5:01 pm
ieiii! ongi etorri! arrozan kontua ta zmz? argazkik diskoa pasatzen ai naiz!
laxter arte ta eurra hauei e!
McDalen -(e)k esandakoa
Urria 11, 2007 @ 6:04 pm
Ekhinobitx nere trapu zaharrak
edukitzazu gordeta
Zutaz idazten hasi ezkero
zer esana badut eta
Xagua -(e)k esandakoa
Urria 11, 2007 @ 7:40 pm
Konta itzatzu bildurrik gabe
egiten dizut erregu,
earra da ta bertsokatean
saltxa pixka bat nahi degu!!!
Ekhinobitx -(e)k esandakoa
Urria 12, 2007 @ 5:18 pm
nere trapuak astintzen asi
ny bazu askoz hobeto
zuk trapu zarrak konta itzazu
nik berriak kondatzeko
Xagua -(e)k esandakoa
Urria 12, 2007 @ 7:09 pm
Argazki hontan badago nahiko
fenomeno paranormal,
orain badakit zergatik dagon
horren txintxo, horren formal.
kzbl -(e)k esandakoa
Urria 13, 2007 @ 1:37 pm
ustez dakit zein den bera
baina oraindik dut kezka
igual bada, igual ezta
dakidanar arabera
ausartu ezin esatera
horra galdera, inkesta
aurrean daukagun neska
maialen velarde_ote da?
ai, maialen, zu bazera
egin behar nuke festa
eta ez joan iheska
beste tokiren batera
ona gutxigorabera
bertsotan zera ta presta
zaitez gatoz nere kresta
eta nere habanera.
kzbl -(e)k esandakoa
Urria 13, 2007 @ 1:50 pm
aupa maialen zermoduz
aupa, aupa, aupa, aupa
velarde ziñela uste nun
resakak nahastu nau ta
bertsokaterako hau da
ohorea eta mauka
eta ni ere biziki
kontentu jarria nauka
zu baino hoberik ezin
genezakelako auta
irabaztea izan da
beti izan dezun pauta
baina abisatzen zaitut
famak alde txarra dauka:
ez duelako balio
ni bezalakoen aurka.
Manu -(e)k esandakoa
Urria 13, 2007 @ 3:55 pm
jakinda Haritzek hau
idatzi digula
Fijo oraindik ere
zalantzak ditula
Xagua -(e)k esandakoa
Urria 13, 2007 @ 10:09 pm
Berriz sartu du grabe
hanka hasta_el fondo,
nahiko oihu ta bonbo
omen tzen Velarde.
Nahiz eta nori galde
ez dakien ondo,
Haritz ez da egongo
ixilik halare!!!